WIRAMA

WIRAMA BASANTATILAKA

1.      Tangēh yadin kahuningan rarasing maninjo,

Sighran dhatȇng nrēpati krȇsnha rikang kadhatwan,

Ta tan dunung ri kuru nātha siran tȇkangka,

Ngkanē nararya Drhȇtarasttra siran cumundhuk.

Teges :

-          Tan puput puput yan pada bawosang punika parisolah sang manonton,

-          Digelis rawuh Ida Sang Prabhu Krȇsna ring puryan,

-          Nenten jumujug ring linggih Ida Sang suyodhana indik idane rawuh irika,

-          Irika ring linggih Ida Sang Dhrestarasta Ida nuli mapangguh.

           

2.      Ngka Dronha Bhisma Krȇpa Ҫalya kapanggi harppat,

Lāwan sangarya Widurā Dhrȇta rajya Karna

Ҫi ghran sumungakȇnikang pasa jing narārya

Bhogāpa bhoga saha mas mani rāja yogya.

Teges :

-          Irika Ida Bhagwan Drona, Bhagawan Bhisma, Bagawan Krepa, Prabhu Ҫalya, kapanggih sedek mabebawosan,

-          Sareng Ida sang Mantri widura, sang Dhrestarasta,miwah sang Karna,

-          Digelis raris ngaturang pisuguh ring Ida sang Prabhu,

-          Rayunan miwah sapaniskaran ipun sane lewihing rasa, maduluran mas manik sane manut ring linggih sang Jumeneng Agung

Kaketus saking:

Kakawin Bharata yudha hal. 5

WIRAMA WIRAT JAGADHITA

1.      Tat ka la nrȇpa Krȇsna tantulusanyakra ri rȇsi wara jahnawi suta,

Ngka munggah sira kālihing ratha tȇhȇr tumihangakȇn sarotama,

Tan wyartnan magawē pupugni guna sang rȇsi lesu marikā tarojwala,

Takwan puh lumihat ri sang wara Cikandhi karanani gupā nirālaga

Teges :

-          Sadaweg Ida Sang Prabhu Kresna wangde nibakang Cakra ring Ida resi Agung Bhisma,

-          Duk punika munggah Ida Sang kalih ring kretane raris matitisang sanjata lewih,

-          Tan lempas tatweke ngawe punah kawisesan Ida Sang Resi Agung,nuli lempor wisan dumilah manggresresin,

-          Semaliha dekdek kayun Idane ngaksi Sang Sikandi sane ngawinang lempor idane mayuda.

2.      Anghing nātha yudhistirē kang inawēnira ri tangan, ininggi tan wulat,

Wruh Sang Dharma Sutē wulat prawara Bhisma yanasunga hurip nirēsira,

Apan nguni ripurwaning laga siran sumungakȇni nararya Pandhawa,

Ndan Sang wira Ҫikandhi rakwa lingirantakanira lawanarya Palguna.

Teges :

-          Wantah Ida Sang Prabhu Darmawangsa sane ulapin Ida antuk tangan sah kawangsitin antuk cacingak,

-          Uning Ida Sang Darmawangsa ring cecingak Ida resi Agung Bhisma, wantah jaga nywecayang jiwan idane ring Ida,

-          Dwaning rihin ring pengawit yudane Ida nywecayaang jiwan Idane ring Sang Prabhu Pandawa,

-          Sakewanten Sang Cikandhi sane maraga prawira reko kasarengin antuk Sang Arjuna,maka larapan sedan Idane.

Kaketus saking :

Kakawin Bharata Yudha hal. 27

WIRAMA ASWALALITA

1.      Matangi kakanta matya lȇpasēng pasir ta juga kēnakangkwa lȇlȇha,

Rurubana puspa padapa ҫawangku satpada marakuҫa nangisana,

Tȇngahanēng tasik madhu tȇkapningang hanyuta ramwanasana sumar,

Muliha marēng smaralaya maran rijanmanika kaptyaning wwanghajȇn.

Teges :

-          Awinannya adi, yening pade beli mati mangda kentungang ring segarane, punika wantah sukayang beli ngawe ulangun,

-          Mangda karurubin antuk sekar miwah kedapan bangken beline, mangda i tambullilingan rauh mulisah mangelingin,

-          Mangda longsoranga ke tengah segara madune olih sang pacang manganyut, pirantine nganyut sekar masasah,

-          Beli pacang budal ke Smara bhuwana, mangda ring dumadine benjangan onengin antuk sang a jegeg.

2.      Wacana narēndra mangkana Narēswari sumahura ngȇrȇsasrȇtakȇtȇr,

Prabhu yatiki nimitani patiktaranca rimangēpu tan wringulaha,

Nda tanawȇding pati pȇjaha Sang Naradhipanasih ri Pandhutanaya,

Kunangapa tan Warȇg marȇkasēwaka ngwangiraras tayang hȇlahȇla.

Teges :

-          Sapunika kengin daging wacana Ida Sang Prabhu, Ida Dewagung Istri raris nyawis babawose masawang jejeh seret tur ngejer,

-          Ratu Sang Prabhu sapuniki awinannya tityang panjeroan Palungguh I ratu nandang kabyahparan, engsek belegbegan tan uning maparisolah,

-          Boya sangkaning tityang jejeh padem pemekas ring jaga sedan palungguh Iratu malantaran antuk sayange ring Sang Pandhawa,

-          Dwanign durung med tityang ngaturang ayah minakadi nyewaka ring kabagusan palungguh Iratu, punika sane ngardi manah tityange alam – alam.

Kaketus saking :

Kakawin Bharata Yudha hal. 90

WIRAMA WIDARA GUMULUNG

1.      Tanhuningan rahināwa tucapa kurunatha mijil ri yawa,

Sampunaҫoca mabhusana salȇngkasirēng lagi polahira,

Karya lumakwa numundanga narapati Krȇsna ri sang Widura,

Mwang prawararya Yuyutsu Krȇpa Ҫakuni Karna sahayanira.

Teges :

-          Tan Kacarita wengine sampun reko tatas rahina, bawosang Ida Sang Kuru Pati medal ring jaba,

-          Sampun puput masucian tur sampun ngrangsuk raja Bhusana, sakadi pratingkah Ida sarahina – rahina,

-          Pabwat Idane jaga lunga ngaturin Sang Prabhu Kresna ring purin Ida sang Widura,

-          Kasarengin antuk Sang Arya Yuyutsu Bhagawan Krepa, Sang sakuni, Sang Karna, punika iringan Idane.

2.      Ҫighra wawang tȇka sang Nrȇpati katȇmu Krȇsna lawan Widura,

Ngka sira ramya padhopaҫama mawacanā mijilēng pasabhan,

Ring tadanantara mangkata dulura halȇp tȇkaping mangiring,

Tekwan ikang ҫubha manggala gumuruha kon mijilēng wwangarum.

Teges:

-          Gelising gelis rawuh Ida Sang Kurupati, kapanggih Ida Sang Kresna sareng Sang Widura,

-          Irika Ida mabecik – becik saling ngaksama tur ngaturin Sang Kresna mangda medal ring paseban,

-          Tan aswe mamarga marerod, becik pikantenannya antuk akeh sang mangiring,

-          Napi malih kadulurin antuk swaran gegambelane ngrudug, sekadi ngarahin para istrine ayu – ayu mangda medal.

Kaketus saking :

Kakawin Bharata Yudha hal. 11

WIRAMA RAJANI

1.      Mulatawȇngis ta sang Rawisutan kari karwa ratha,

Karana nirā malȇs marawacē ratha Bhimasuta,

Ksanika pȇjah ta sārathi Ghatotkaca tanpa bisa,

Tȇka ri kudanya mangrepa rathanya wicirna nana.

Teges:

-          Ida Sang Karna nyingak sarwi jenggis seantukan katinggal ngeraga sah kreta,

-          Awinan Ida raris ngwales ngerusakang kretan Ida sang Gatotkaca,

-          Ajahan pisan padem kusir kretan Ida Sang Gatotkaca

-          Tan pangundili, rauhing kudannya makakeb tur kretan idane dekdek lebur.

2.      Irika mȇsat Ghatotkaca marēng gaganantara mur,

Mari mahawan lȇmah tuwi makandȇli mēga maya,

Irikana rȇs hati nrȇpati Karna kalȇswana lӧk,

Lumihati sūksma Sang Kalananāntha nora katon.

Teges:

-          Duk punika makecos Ida sang Gatotkaca keambarane mlesat,

-          Wusan mamargi ring pertiwine, wyakti masangkliban ring guleme saru,

-          Irika raris rimrim pakayunan Ida Sang Karna kaleson kebukan,

-          Nyingakin ical Ida Sang Gatotkaca icalne tan pisan makante.

Kaketus saking :

Kakawin Bharata Yudha hal. 49